Cyrsiau hyfforddiant

Mae’r Tîm Gwybodaeth i Deuluoedd, Gofal Plant a Chwarae yn cynllunio a chydlynu cyrsiau hyfforddi sy’n ofynnol gan Arolygaeth Gofal Cymru (AGC) ac maen nhw’n agored i’r holl ddarparwyr gofal plant a chwarae yn Sir Gaerfyrddin.

Caiff y cyrsiau hyn eu cyllido’n sylweddol gan yr Awdurdod Lleol a chaniateir dau aelod o staff yn unig o bob lleoliad i fynychu’r cwrs.

Archebu cwrs

Er mwyn archebu lle ar y cyrsiau gofynnol hyn, cysylltwch â’r Tîm Gwybodaeth i Deuluoedd, Gofal Plant a Chwarae ar 01267 246555 (dydd Llun – ddydd Gwener) 9yb – 5yp neu e-bost Gwybplant@sirgar.gov.uk

Canslo cwrs

Rhaid i gyfranogwyr sy’n dymuno canslo archeb wneud hynny 48 awr cyn dyddiad y cwrs trwy e-bost at: Gwybplant@sirgar.gov.uk  fodd bynnag, os ydych chi’n teimlo’n sâl ar ddiwrnod y cwrs a bod gennych symptomau COVID-19 peidiwch â mynychu.

MWYAF PWYSIG – Os ydych chi, neu unrhyw un rydych chi wedi bod mewn cysylltiad â nhw, yn teimlo’n sâl neu os oes gennych chi unrhyw symptomau COVID-19 cyn pen 5 diwrnod ar ôl mynychu sesiwn hyfforddi, cysylltwch â mi ar unwaith er mwyn i mi allu cymryd mesurau priodol.

Hoffai dîm Gofawlwn Cymru, Gofal Cymdeithasol Cymru, i roi gwybod i chi am ein cwrs Cyflwyniad i Ofal Plant.
Mae’r cwrs Cyflwyniad i Ofal Plant yn gwrs am ddim, dau-diwrnod, a’i bwrpas a’i bwriad yw rhoi gwybodaeth sylfaenol i bobl sydd â diddordeb mewn dechrau gweithio yn y sector blynyddoedd cynnar a gofal plant, er mwyn cynyddu’r nifer o weithwyr gofal plant yng Nghymru. Datblygwyd y cwrs mewn ymateb i alw gan Llywodraeth Cymru i gynyddu’r niferoedd hyn. Mae siaradwyr o swyddfeydd PACEY, y Comisiynydd Plant a GyrfaCymru wedi bod yn rhan o’r cyrsiau hyd yn hyn. Caiff y cwrs ei gynnal ar-lein.
Dyma gipolwg ar gynnwys y cwrs:
• beth yw blynyddoedd cynnar a gofal plant?
• rolau yn y sector blynyddoedd cynnar a gofal plant
• rhinweddau a disgwyliadau gweithiwr
• hawliau plant
• lles
• ymarfer sy’n canolbwyntio ar y plentyn
• chwarae
• diogelu
• atal a rheoli heintiau
• yr Iaith Gymraeg
• ymarfer broffesiynol
• polisi a deddfwriaeth
• cymwysterau gofal plant
Mae’r cwrs wedi bod yn rhedeg ers mis Medi 2022, gyda thua 115 o bobl wedi cyflawni’r cwrs erbyn hyn – mae wedi bod yn llwyddiannus iawn!
Ar ôl cwblhau’r cwrs Cyflwyniad i Ofal Plant, gallwn gyfeirio bobl at GyrfaCymru. Gall GyrfaCymru ddarparu cymorth cyflogadwyedd i helpu pobl i ddechrau eu gyrfa o fewn y sector gofal plant. Gallant eu cyfeirio at amrywiaeth o adnoddau, eu helpu gyda sgiliau cyfweliad a gwaith, eu helpu i ysgrifennu CV, a gallant hefyd eu cyfeirio at swyddi newydd a chyfleoedd gwirfoddoli.
Dyma linc i’r tudalen Eventbrite lle ellir pobl cofrestru er mwyn cwblhau’r cwrs: https://www.eventbrite.co.uk/e/cyflwyniad-i-ofal-plant-introduction-to-childcare-tickets-414534051507?fbclid=IwAR3A7AJy0z8I86-MhA8SAsF8m_P2-jWIWoYEyx7hqdmlxlVa_QoNywpQNKw

Awtistiaeth Cymru

Mae’r adnoddau yn yr adran hon wedi eu datblygu mewn partneriaeth a phobl awtistig, rhieni a gofalwyr a gweithwyr proffesiynol. Nod yr adnoddau yw cynyddu gwybodaeth, sgiliau a dealltwriaeth am awtistiaeth mewn lleoliadau blynyddoedd cynnar.

Rwy’n gweithio mewn lleoliad blynyddoedd cynnar – Awtistiaeth Cymru | Autism Wales | National Neurodivergence Team

---

Hyfforddiant Asiantaeth Safonau Bwyd
Datblygwyd yr hyfforddiant rhyngweithiol hwn gan yr Asiantaeth Safonau Bwyd (ASB) ar gyfer swyddogion awdurdodau lleol.

Hafan | Hyfforddiant alergedd ac anoddefiad bwyd

Mae’r modiwlau hyn wedi’u rhannu yn ôl y themâu canlynol:

Modiwl 1: Effeithiau alergeddau yn y corff
Modiwl 2: Rheolau ar gyfer gwybodaeth am alergenau
Modiwl 3: Rheoli alergenau yn y ffatri
Modiwl 4: Darparu gwybodaeth gywir am alergenau ar gyfer bwyd wedi’i becynnu ymlaen llaw a bwyd heb ei becynnu ymlaen llaw
Modiwl 5: Rheoli alergenau mewn amgylchedd arlwyo
Modiwl 6: Defnyddio labelu gwirfoddol