Ymddiheuriadau, mae’r wybodaeth sydd wedi’i chynnwys yng nghylchlythyr HWB yn gamarweiniol. Mae Cynnig Gofal Plant Cymru ar gyfer rhieni plant 3 a 4 oed sydd yn gweithio.

Gofal plant wedi’i ariannu yw’r 30 awr, nid gofal plant am ddim. Caiff y Grant Cymorth Ychwanegol y Cynnig Gofal Plant ei dalu’n uniongyrchol i’r darparwr gofal plant os yw’r plentyn yn manteisio ar y Cynnig Gofal Plant 30 awr.

Mae’r Gwasanaeth Gwybodaeth i Deuluoedd yn adnodd sy’n cynnig cymorth i ddod o hyd i opsiynau gofal plant, help gyda chostau gofal plant, ac adnoddau i bobl sy’n gofalu am blant. Mae’r gwasanaeth hefyd yn darparu gwybodaeth am ddewisiadau gofal plant o safon, gweithgareddau a digwyddiadau. Yn ogystal, mae’r Gwasanaeth Gwybodaeth i Deuluoedd yn cynnig manylion am wasanaethau, prosiectau a chyfleoedd hamdden lleol i deuluoedd gymryd rhan ynddynt.

Ar y cyfan, pwrpas y Gwasanaeth Gwybodaeth i Deuluoedd yw cefnogi teuluoedd i gael mynediad i adnoddau a gwasanaethau amrywiol yn eu hardal.