Mae Bwyd a Hwyl yn rhaglen addysg mewn ysgolion sy’n cael ei hariannu gan CLlLC ac sy’n cael ei gyflwyno gan staff ysgolion a phartneriaid dros 12 diwrnod yn ystod gwyliau yr haf.
Mae’n darparu addysg bwyd a maeth, gweithgareddau corfforol, sesiynau cyfoethogi a phrydau iach i blant mewn ardaloedd amddifadedd cymdeithasol. Rhaid i ysgolion fod a 16% neu fwy o gymhwysedd i gael prydau ysgol am ddim er mwyn cymryd rhan. Dim ond y plant sydd yn mynychu’r ysgolion gall cymryd rhan trwy wahoddiad yn unig gan staff yr ysgol.
I wylio ffilm fer sy’n esbonio mwy am Bwyd a Hwyl cliciwch ar y logo Bwyd a Hwyl Uchod.
Yn ystod 2023 bydd yr ysgolion canlynol yn cymryd rhan yn Bwyd a Hwyl:
Ysgol Gynradd Pontyberem, Ysgol Gynradd Penrhos, Ysgol Gynradd Y Bedol, Ysgol Gynradd Bro Banw, Ysgol Gynradd Betws ac Ysgol Gynradd Llandeilo
Am fwy o wybodaeth cysylltwch a’r ysgolion yn uniongyrchol os gwelwch yn dda.
Diwrnod Chwarae yw’r diwrnod cenedlaethol ar gyfer chwarae, sy’n cael ei ddathlu bob blwyddyn ar draws y DU ar y dydd Mercher cyntaf ym mis Awst. Mae’r ymgyrch yn tynnu sylw at bwysigrwydd chwarae ym mywydau plant.
I ddathlu Diwrnod Chwarae, mae plant, pobl ifanc a chymunedau yn mynd allan i chwarae mewn digwyddiadau cymunedol ledled Sir Gaerfyrddin.
Mae digwyddiadau Diwrnod Chwarae yn amrywio o bartïon stryd, gwyliau mewn parciau neu feysydd pentref, anturiaethau torfol mewn coetiroedd, caeau, hyd yn oed traethau, a digwyddiadau cyhoeddus mewn lleoliadau cymunedol. Mae Diwrnod Chwarae’n cael ei ddathlu gan bob cymuned mewn ffordd sy’n addas iddyn nhw. Os oes gennych ddiddordeb mewn cynnal digwyddiad diwrnod chwarae yn eich cymuned, ewch i: https://www.playday.org.uk/campaigns-3/developing-a-campaign/
Mae Dr Mz yn ganolfan ieuenctid sy’n cael ei rhedeg gan Brosiect Ieuenctid Caerfyrddin ar gyfer pobl ifanc 6-25 oed.
Rydym yn darparu lle cyfforddus, diogel, addysgiadol ac ysgogol i bobl ifanc ei gyfarfod. Lle maen nhw’n mwynhau bwyd da a digon o weithgareddau gwych, dysgu sgiliau newydd, gwirfoddoli a chymryd rhan.
Mae strydoedd chwarae yn rhoi cyfle i blant chwarae, bod yn egnïol a gwneud ffrindiau ar eu stryd, gan hefyd adeiladu cymuned ac annog dinasyddiaeth weithgar. Bydd PSU yn cynnal lle diogel i blant chwarae tu allan yn eich cymuned ar y dyddiadau isod. Dewch draw ar eich pen eich hun neu gyda’ch plant, cwrdd â’r gymuned a chael hwyl.
Mae Canolfannau Teuluoedd yn darparu ystod eang o weithgareddau i deuluoedd â phlant cyn oed ysgol yn ystod y tymor a phlant hyd at 11 yn ystod gwyliau’r ysgol. Mae’r gweithgareddau hyn yn cynnwys coginio, sgyrsiau rhieni, crefftau, amser stori, gweithgareddau corfforol, sesiynau cerdded a siarad, garddio, gweithgareddau ysgol goedwig, chwarae blêr, sesiynau synhwyraidd, grwpiau babanod, grwpiau bwydo ar y fron, maeth a chefnogaeth diddyfnu.
