Tim Chwarae Sir Gar
Gall Tîm Chwarae Sir Gâr eich cefnogi mewn amryw o ffyrdd.
Rydym yn cynnig:
- Hyfforddiant Chwarae bob tymor i bob lleoliad cofrestredig a heb ei gofrestru; staff yr ysgol; rhieni a grwpiau cymunedol.
- Syniadau chwareus a chyfeirio at weithgareddau a digwyddiadau chwareus.
- Cyngor ar sut i greu amgylchedd chwarae cyfoethog i bob oedran, boed gartref neu yn yr ysgol.
- Gwybodaeth am Bolisi Chwarae ac Asesiad Digonolrwydd Chwarae.
- Cyngor ac arweiniad a llythyrau o gymorth ar gyfer ceisiadau am gyllid.
Dod o hyd i gymorth, gwasanaethau a gwybodaeth o fewn Sir Gaerfyrddin:
Neu cysylltwch â’r Gwasanaeth Gwybodaeth i Deuluoedd ar:
Ebost: gwybplant@sirgar.gov.uk
Ffoniwch: 01267 246555 Llun-Gwener 9yb-5yp
Neges destun GGD: Dechreuwch eich neges gyda ‘Plant’ os gwelwch yn dda a’i ddanfon at 07786 202747
Beth yw Chwarae?
Mae Llywodraeth Cymru yn diffinio chwarae fel ymddygiad sydd: wedi’i ddewis gyda rhyddid, wedi’i gyfarwyddo’n bersonol ac wedi’i ysgogi’n gynhenid a’i pherfformio heb unrhyw nod na gwobr allanol. Hynny yw, plant a phobl ifanc sy’n penderfynu a rheoli cynnwys a bwriad eu chwarae, drwy ddilyn eu greddfau, eu syniadau a’u diddordebau eu hunain, yn eu ffordd eu hunain am eu rhesymau eu hunain.
Sut mae chwarae yn helpu’ch plentyn i ddatblygu?
Mae chwarae’n gwneud cyfraniad hanfodol i ddatblygiad eich plentyn – corfforol, meddyliol, emosiynol a chymdeithasol.
Chwarae a gweithgarwch corfforol
Pan fyddan nhw’n chwarae, mae plant yn debygol o fod yn egnïol yn gorfforol – yn rhedeg, neidio, dawnsio, dringo, palu, codi, gwthio a thynnu.
Chwarae a dysgu
Pan fyddant yn chwarae, mae plant yn datrys problemau, dysgu geiriau newydd ac archwilio sut mae pethau’n gweithio.
Chwarae a chymdeithasu
Pan fyddan nhw’n chwarae, mae plant yn gwneud ffrindiau, yn dadlau ac yn gwneud ffrindiau eto, ac yn dysgu rhannu.
Chwarae a chreadigrwydd
Pan maen nhw’n chwarae, mae plant yn profi pethau, yn gwneud pethau, yn defnyddio eu dychymyg, ac yn mynegi eu hunain.
Chwarae a theimladau
Pan maen nhw’n chwarae, mae plant yn mynegi eu hunain. Maen nhw’n aml yn teimlo’n hapus, ac maen nhw’n dod i delerau gyda phrofiadau gwahanol. Mae hyn yn helpu plant i deimlo llai o straen.
