Canolfannau Teulu
Canolfannau Teulu
Cynnig cymorth a gwybodaeth i deuluoedd sydd â phlant rhwng 0 ac 11 oed er mwyn helpu o ran heriau niferus bywyd teuluol.
Mae Canolfannau Teulu yn llefydd yn y cymunedau lleol sy’n cynnig cyfleoedd i deuluoedd gymdeithasu, datblygu rhwydweithiau cymorth a dysgu sgiliau newydd .
Mae’r Canolfannau Teulu yn gallu:
Cefnogi rhieni i ddeall datblygiad eu plant ar wahanol oedrannau a chyfnodau.
Meithrin hyder a sgiliau rhieni drwy ddarparu cyfleoedd dysgu cadarnhaol.
Annog rhieni i chwarae gyda’u plant er mwyn cefnogi eu datblygiad gwybyddol, cymdeithasol ac ieithyddol.
Hyrwyddo’r defnydd o lyfrau, caneuon a rhigymau a gweithgareddau iaith/rhifo a chwarae eraill.
Darparu gweithgareddau datblygiad iaith cynnar ar gyfer babanod a phlant bach.
Cynorthwyo rhieni i helpu eu plant i ddatblygu agweddau ac uchelgeisiau cadarnhaol drwy hyrwyddo pwysigrwydd mynychu’r ysgol yn rheolaidd.
Cynorthwyo rhieni i sicrhau iechyd a lles emosiynol cadarnhaol.
Meithrin hyder rhieni yn eu rôl rhianta gan ddefnyddio amrywiaeth o ddulliau rhianta, ymyriadau a chyrsiau rhianta.
Datblygu ffactorau cydnerthedd rhieni i wella eu gallu i ymdopi.
Cyflwyno cwrs Peter Walker ar gyfer Tylino i Fabanod.
Cynnig gweithgareddau yn ystod y gwyliau i’r teulu cyfan.
Grwpiau Teulu – Is-grwpiau mewn cymunedau gwledig sy’n cynnig cymorth wythnosol i deuluoedd er mwyn hyrwyddo iechyd a lles emosiynol cadarnhaol. Amrywiaeth o weithgareddau a ddarperir yn seiliedig ar yr angen.
Mae’r grwpiau presennol yng Nghastellnewydd Emlyn a Llandeilo.
