Cadw plant yn ddiogel ar-lein

Mae pob plentyn yn haeddu teimlo’n ddiogel gyda mynediad i gefnogaeth ar-lein. Mae bod ar-lein bellach yn rhan o fywyd bob dydd i’r mwyafrif helaeth o blant. Mae data gan Ofcom yn dangos bod bron pob plentyn (99%) bellach yn treulio amser ar-lein, a bod naw o bob deg plentyn yn berchen ar ffôn symudol erbyn iddynt gyrraedd 11 oed. Mae hefyd yn amlwg bod ffin aneglur rhwng bywydau plant ar-lein a’r ‘byd go iawn‘.

Mae gan dri chwarter o ddefnyddwyr cyfryngau cymdeithasol rhwng 8 a 17 oed eu cyfrif neu broffil eu hunain ar o leiaf un o’r llwyfannau mawr. Ac er bod gan y rhan fwyaf o lwyfannau isafswm oedran o 13, mae chwech o bob deg plentyn rhwng 8 a 12 oed sy’n eu defnyddio, wedi cofrestru gyda’u proffil eu hunain.

Fodd bynnag, mae bron i dri chwarter o bobl ifanc rhwng 13 a 17 oed wedi dod ar draws un neu fwy o niwed posibl ar-lein, ac mae tri o bob pump plentyn oedran ysgol uwchradd wedi cael eu cysylltu ar-lein mewn ffordd a allai eu gwneud yn anghyfforddus. – (Ofcom, 2024)