➭ Beth yw Y Cynnig Gofal Plant?
Mae Llywodraeth Cymru yn cydnabod bod gofal plant fforddiadwy, sydd ar gael ac yn hygyrch yn galluogi rhieni i weithio, gan gefnogi ei hymgyrch i hybu twf economaidd, mynd i’r afael â thlodi a lleihau anghydraddoldebau.
Fe allet gael hyd at 30 awr o addysg feithrin a gofal plant wedi’u hariannu yr wythnos, am hyd at 48 wythnos o’r flwyddyn.
Gan fod y Y Cynnig Gofal Plant i Gymru yn gynnig cyfun, sy’n cynnwys addysg feithrin a darpariaeth gofal plant, mae’n rhaid i blant fod mewn oedran penodol i fod yn gymwys i gael y ddwy elfen hyn ar yr un pryd.
Mae’r Y Cynnig yn uchafswm o 30 awr o addysg feithrin a gofal plant. Os yw rhieni’n gymwys, bydd plant fel arfer yn derbyn elfen gofal plant y Y Cynnig o’r tymor ar ôl eu penblwydd yn dair oed, nes eu bod yn gymwys am leoliad addysg amser llawn.
*Ni ellir newid oriau Addysg Feithrin am oriau Gofal Plant*
Cyllid Addysg Feithrin
Mae gan bob plentyn hawl i gael addysg feithrin (a elwir yn addysg gynnar yn flaenorol) o’r tymor ar ôl eu trydydd pen-blwydd. Mae pob awdurdod lleol yn darparu o leiaf 10 awr yr wythnos o addysg feithrin, a gallai hyn fod mewn:
• Ysgol leol
• Cylch chwarae
• Meithrinfa ddydd
• Cylch Meithrin
Gweler isod, restr o leoliadau sy’n cynnig Addysg Feithrin:
Rhestr Lleoliadau Nas Cynhelir – Cylchoedd a Meithrinfeydd
Rhestr o Ysgolion 3-11
Nid yw’n ofynnol i rieni fanteisio ar yr addysg feithrin sydd ar gael iddynt er mwyn defnyddio’r Cynnig Gofal Plant. Fodd bynnag, bydd nifer yr oriau a fydd ar gael iddynt yn cynnwys yr oriau hyn, p’un a ydynt yn manteisio arnynt ai peidio.
Mae’r Cynnig Gofal Plant yn ariannu GOFAL PLANT yn unig. Ni allwch wneud cais am oriau addysg rhan amser trwy’r cais hwn.
Cofiwch wirio polisi derbyn ysgol eich awdurdod lleol i weld pryd mae eich plentyn yn gymwys i ddechrau’r ddarpariaeth addysg feithrin. Os oes gennych ymholiadau am Gyllid Addysg Feithrin, cysylltwch â Thim y Blynyddoedd Cynnar drwy e-bost:
