‘Bwyd a Hwyl’ SHEP
‘Cydweithio i helpu ysgolion i fwydo plant, hybu byw’n iach a darparu profiadau dysgu cymdeithasol yn ystod gwyliau ysgol’
Rhaglen ar gyfer ysgolion yw ‘Bwyd a Hwyl’ SHEP sy’n darparu prydau iach, addysg am fwyd a maeth, gweithgareddau corfforol a sesiynau cyfoethogi i blant mewn ardaloedd o amddifadedd yn ystod gwyliau’r haf.
Gan nad yw brecwast am ddim mewn ysgolion cynradd a phrydau ysgol am ddim ar gael yn ystod gwyliau’r haf, mae rhai teuluoedd yn cael trafferth fforddio neu gael gafael ar fwyd sy’n darparu deiet iach. Hefyd bydd rhai plant yn cael eu hynysu’n gymdeithasol ac yn colli’r symbyliad deallusol sydd ar gael yn yr ysgol neu drwy weithgareddau teuluol.
Prif fanteision SHEP
- Gwneud plant yn fwy actif
- Gwella deiet plant
- Gwneud ffrindiau newydd a chael hwyl
- Dysgu ac ymgysylltu â’r ysgol
- Helpu rhieni i dalu costau gwyliau’r ysgol
- Gwella iechyd a llesiant rhieni
- Rhieni’n dysgu sgiliau newydd
- Cynnwys y teulu cyfan
- Helpu asiantaethau i gydweithio
- Cynnwys plant mewn penderfyniadau
- Defnyddio cyfleusterau presennol yn well
- Annog ymgysylltu â chymunedau
- Cynnig gwaith cyflogedig a gwirfoddol
- Tynnu sylw at wasanaethau eraill
Sut mae cael rhagor o wybodaeth?
Bydd gan bob awdurdod lleol grŵp llywio a Chydlynydd SHEP. Cysylltwch â Christina Powdrill, Cydlynydd Cenedlaethol SHEP yng Nghymdeithas Llywodraeth Leol Cymru i gael rhagor o fanylion drwy ffonio 029 2046 8678 neu anfon e-bost at christina.powdrill@wlga.gov.uk
