Awtistiaeth
Gwasanaeth Awtistiaeth Integredig
Gwasanaeth Awtistiaeth Integredig
Gwasanaeth Awtistiaeth Integredig i Gymru – Beth fydd hyn yn ei olygu i mi?
Yn Mawrth 2017 cyhoeddodd y Gweinidog Iechyd a Gwasanaethau Cymdeithasol buddsoddiad ychwanegol o £7 miliwn i gefnogi datblygu gwasanaeth Awtistiaeth Integredig i Gymru. Mae hyn yn mynd â chyfanswm y nawdd ar gyfer y gwasanaeth i fyny at £13 miliwn.
Pam yr ydym wedi datblygu Gwasanaeth Awtistiaeth Integredig?
Oherwydd bod unigolion awtistig, rhieni a gofalwyr wedi dweud wrthym ni eu bod angen mwy o gefnogaeth. Maent wedi dweud wrthym ni na allant gael mynediad i wasanaethau oherwydd nad ydynt yn cwrdd â’r meini prawf. Maent wedi dweud wrthym ni eu bod eisiau cefnogaeth gyda:
- Materion ymddygiad
- Materion emosiynol megis pryder a dicter
- Datblygu sgiliau cymdeithasol a sgiliau byw dyddiol
- Cymryd rhan mewn gweithgareddau hamdden
Rydym wedi dysgu bod bywydau oedolion a phlant awtistig a’u teuluoedd wedi’u heffeithio’n ddifrifol oherwydd na allant dderbyn y gefnogaeth gywir, na all llawer ohonynt adael y tŷ yn ddyddiol a bod rhieni a gofalwyr yn teimlo dan bwysau aruthrol.
Rydym wedi clywed hefyd fod nifer o oedolion sy’n meddwl eu bod yn awtistig yn ei gweld hi’n anodd derbyn asesiad ar gyfer hyn.
Beth fydd y gwasanaeth yn ei ddarparu?
Bydd y gwasanaeth yn cynnig asesiad diagnostig i oedolion (weithiau ar y cyd gyda gwasanaethau eraill), cefnogaeth a chyngor i oedolion awtistig a’r sawl sy’n eu cefnogi.
Rydw i’n rhiant i blentyn awtistig – beth fydd hyn yn ei olygu i mi?
Er nad yw’n gweithio’n uniongyrchol gyda phlant a phobl ifanc, bydd y gwasanaeth yn gweithio mewn partneriaeth â sefydliadau eraill i gefnogi rhieni a gofalwyr.
Lle bo angen, gall y gwasanaeth hefyd weithio gyda staff eraill sy’n ymwneud â’ch plentyn fel staff ysgol neu ymwelwyr iechyd i wneud yn siŵr eich bod chi a’ch plentyn yn cael cefnogaeth a chyngor cyson.
Bydd rhieni a gofalwyr yn gallu hunan gyfeirio at y gwasanaeth, os yw’ch plentyn wedi cael diagnosis o Awtistiaeth byddwch yn gallu cael mynediad at hyfforddiant a chyngor gan y Gwasanaeth Awtistiaeth Integredig.
Rwyf yn oedolyn awtistig– beth fydd hyn yn ei olygu i mi?
Os ydych chi’n oedolyn ac yn credu eich bod yn awtistig ond heb ddiagnosis, bydd y gwasanaeth yn gallu cynnig asesiad awtistiaeth os ydych chi eisiau un. Byddwch yn gallu cael cyngor a chefnogaeth gan y gwasanaeth heb orfod cael eich cyfeirio gan rywun arall. Isod mae rhai o’r heriau efallai y byddwch angen cyngor a chymorth gyda:
- Phryder
- Sgiliau cymdeithasol
- Cymryd rhan mewn gweithgareddau hamdden
- Datblygu eich sgiliau byw dyddiol (megis talu biliau, siopa a choginio)
- Cael mynediad at wasanaethau eraill megis gofal iechyd neu gefnogaeth i gael gwaith
- Neu anawsterau eraill y gallwch fod yn eu profi
Byddwch yn gallu cael cefnogaeth gan y gwasanaeth heb orfod cael eich cyfeirio gan rywun arall. Bydd staff o fewn y gwasanaeth yn gallu cynnig cefnogaeth a chyngor i chi mewn perthynas â:
Os ydych yn oedolyn ac yn meddwl fod awtistiaeth arnoch chi ond nad oes gennych chi ddiagnosis, bydd y gwasanaeth yn gallu cynnig asesiad ar gyfer awtistiaeth i chi os ydych ei eisiau.
A fydd y gwasanaeth yn darparu popeth i ni?
Na, ni fydd y gwasanaeth yn darparu:
- Gwaith uniongyrchol gyda plant a phobl ifanc
- Gwaith ymyrraeth brys/ mewn argyfwng
- Gofal seibiant
- Ymateb cyflym
Ar gyfer y rheini sydd ag anghenion fwy cymhleth (lle mae angen gwasanaethau eraill megis cymorth iechyd meddwl), bydd staff o’r gwasanaeth awtistiaeth integredig yn gweithio gyda phobl broffesiynol eraill i sicrhau eu bod yn gallu cynnig cefnogaeth ‘awtistiaeth gyfeillgar’.
Rwy’n weithiwr proffesiynol beth fydd hyn yn ei olygu i mi?
Mae’r IAS yno i gefnogi gweithwyr proffesiynol i ennill gwybodaeth, sgiliau a phrofiad o weithio gyda phobl awtistig.
Sut maen nhw’n gwneud hyn?
- Hyfforddiant
- Ymgynghor
- Cyngor
Sut y gallaf gael gwybod mwy am y Gwasanaethau Awtistiaeth Integredig yn fy ardal i?
Mae rhai gwasanaethau yn fwy sefydledig nag eraill, gan fod y Gwasanaethau Awtistiaeth Integredig wedi cael eu cyflwyno’n raddol drwy Gymru. Cliciwch ar y dolenni isod i gael gwybodaeth am y gwasanaeth yn eich ardal:
Caerdydd a’r Fro IAS- www.ASDinfoWales.co.uk/cardiff-and-valeintegrated-autism-service
Cwm Taf IAS – www.ASDinfoWales.co.uk/cwm-taf-integrated-autism-service
Gwent IAS – www.ASDinfoWales.co.uk/gwent-integrated-autism-service
Powys IAS – www.ASDinfoWales.co.uk/powys-integrated-autism-service
Gogledd Cymru IAS – www.ASDinfoWales.co.uk/north-wales-integrated-autism-service
Gorllewin Cymru IAS – www.ASDinfoWales.co.uk/west-wales-integrated-autism-service
Bae’r Gorllewin IAS – www.ASDinfoWales.co.uk/western-bay-integrated-autism-service
Sut y gallaf gael mynediad at adnoddau ASDinfoWales yn y cyfamser?
E-bostiwch ni yn ASDinfo@WLGA.gov.uk neu mewnflwch ni ar Twitter, gadewch i ni wybod beth sydd ei angen arnoch chi. Byddwn yn gwneud ein gorau i’w gael i chi.
Cam Nesa
Prosiect Ewropeaidd yw Cam Nesa sy’n gweithio gyda phobl ifanc rhwng 16 – 24 oed sydd yn NEET (ddim mewn swydd, addysg na hyfforddiant).
Gall ein staff cymwys weithio gyda chi fel unigolyn i helpu chi fagu hyder a chewch gymorth emosiynol yn ogystal. Gydag amser cewch help i ymgeisio am swydd, neu ddilyn cwrs addysg neu hyfforddiant.
Mae ein tîm o staff proffesiynol yn cynnwys:
- Gweithwyr Cymorth Ieuenctid Ôl-16
- Gweithiwr Cymorth Iechyd Emosiynol
- Gweithwyr Cymorth i Bobl Ifanc gydag Anhwylder Sbectrwm Awtistig
Ein nodau yw:
- Adnabod pobl ifanc NEET rhwng 16-24 oed
- Asesu sefyllfa a ffactorau unigryw y person ifanc sydd yn achosi iddynt fod yn NEET
- Adnabod a chynnig cefnogaeth bwrpasol ac addas i’r person ifanc NEET
- Lle bo hynny’n addas, rhoi cyngor wrth ddewis gyrfa a help i ddewis cymwysterau a gall arwain at waith yn y dyfodol
- Cynnig profiad gwaith o ddiddordeb gyda chyflogwr pwrpasol ac addas a fydd yn cwrdd â gofynion y person ifanc NEET.
Cysylltwch â ni
Cam Nesa
Adeilad 2, Parc Dewi Sant
Heol Ffynnon Job, Caerfyrddin
SA31 3HB
