Cwrdd â Thîm Gofal Plant Dechrau’n Deg

Mae Heini Jones yn arwain y tîm gofal plant, gan ganolbwyntio ar weithredu canllawiau Dechrau’n Deg, rhannu diweddariadau Llywodraeth Cymru, a darparu hyfforddiant i sicrhau ymarfer blynyddoedd cynnar o ansawdd uchel.

Mae Enfys John yn arbenigo mewn cefnogi darpariaeth gofal plant cyfrwng Cymraeg. Mae hi’n helpu lleoliadau i nodi meysydd ar gyfer datblygu, yn darparu adnoddau, ac yn gweithio gyda theuluoedd i hyrwyddo dwyieithrwydd.

Mae Avril Chambers, Rebecca Woods, Aimee Davies, a Rachel Gledhill yn darparu cymorth ymarferol i helpu lleoliadau i gyflawni a chynnal gofal plant o ansawdd uchel. Maen nhw’n cynnal ymweliadau rheolaidd, yn cynnig cyngor ymarferol ar bopeth o’r amgylchedd dysgu i gynllunio ac asesu, ac yn sicrhau bod lleoliadau yn bodloni safonau awdurdodau cenedlaethol a lleol.

Cwrdd â’n Tîm Gofal Plant

Hayley Davies – Cydgysylltydd Gofal Plant​
Mae Hayley yn rheoli’r gwaith o ddyrannu mannau gofal plant i blant o fewn ardaloedd cod post gwreiddiol Dechrau’n Deg. Mae hi’n gyfrifol am oruchwylio saith lleoliad Awdurdod Lleol Dechrau’n Deg, gan weithredu fel yr Unigolyn Cyfrifol o dan Arolygiaeth Gofal Cymru (AGC) a sicrhau bod cymarebau staff yn bodloni’r holl reoliadau. Mae Hayley hefyd yn monitro presenoldeb gofal plant ar draws yr holl ddarparwyr ac yn cefnogi plant sydd angen ymyrraeth mewn unrhyw leoliad gofal plant.

Fflur James – Swyddog Gofal Plant
Mae Fflur yn cynorthwyo gyda dyrannu mannau gofal plant a monitro presenoldeb yng ngham gwreiddiol y rhaglen Dechrau’n Deg. Mae hi hefyd yn gyfrifol am edrych ar ffyrdd o leihau’r swm o gyllid gofal plant sy’n cael ei wastraffu ar draws y rhaglen gyfan.

Lindy James – Dirprwy Gydgysylltydd Gofal Plant​
Mae Lindy yn gweithio ochr yn ochr â Hayley i sicrhau bod gofal plant o ansawdd uchel yn cael ei ddarparu ar draws y saith lleoliad Awdurdod Lleol, gyda ffocws ar fodloni holl ofynion AGC. Mae ei rôl yn cynnwys ymweld â’r lleoliadau hyn a’u goruchwylio, cynorthwyo gyda chymorth ymyrraeth ar draws y darparwyr Dechrau’n Deg gwreiddiol, a helpu i fonitro presenoldeb gofal plant yn unol â’n Polisi Presenoldeb a rennir.

Cwrdd â’r Tîm Cyfalaf a Chomisiynu​

Sabrina Morris – Swyddog Cyfalaf a Chomisiynu
Laura Davies – Swyddog Monitro Contractau
Lisa Davies – Swyddog Monitro Contractau
Sophie Bamford – Swyddog Cymorth Prosiectau Cyfalaf​

Mae ein tîm, dan arweiniad y Swyddog Cyfalaf a Chomisiynu yn goruchwylio Prosiectau Cyfalaf a Phrosesau Comisiynu yn Dechrau’n Deg.

Prosiectau Cyfalaf
Rydyn ni’n rheoli’r Rhaglen Gyfalaf Blynyddoedd Cynnar, gan wella cyfleusterau i greu mannau croesawgar i blant a theuluoedd. Mae hyn hefyd yn cynnwys goruchwylio’r Cynllun Grant Cyfalaf Bach, sy’n helpu darparwyr gofal plant i uwchraddio a gwella eu lleoliadau.

Comisiynu
Sicrhau bod gwasanaethau Dechrau’n Deg yn diwallu anghenion teuluoedd ac yn darparu gwerth da am arian. Mae ein Swyddogion Monitro Contractau yn gweithio gyda darparwyr i wneud y canlynol:

​Goruchwylio cytundebau contractiol a darpariaeth y gwasanaeth.
Monitro cydymffurfiaeth â rheoliadau statudol a rhwymedigaethau cytundebol.
Cefnogi darparwyr gydag ochr fusnes gofal plant – cynnig arweiniad ar arfer busnes da, cynaliadwyedd a rheoli adnoddau.
Gweithio gyda darparwyr i gynnal ansawdd a gyrru gwelliant parhaus.

Cwrdd â’r Tîm Gweinyddu

Y pwynt cyswllt cyntaf i lawer, mae ein Tîm Gweinyddu ymroddedig yn ymdrin â’r holl alwadau ffôn ac ymholiadau cyffredinol sy’n dod i mewn. Maen nhw wrth law i gyfeirio eich cwestiynau i’r adran gywir ac maen nhw’n gyfrifol am fewnbynnu manylion yr holl blant cofrestredig yn ein cronfa ddata ganolog yn gywir. Mae’r tîm yn sicrhau dechrau hwylus i bob teulu a darparwr.
Aelodau’r Tîm: Russell Morton, Julie Morris, Dannika Evans

Cwrdd â’r Tîm Hawliadau

Mae’r tîm hwn yn chwarae rhan hanfodol yng ngweithrediadau ariannol y gwasanaeth. Maen nhw’n gyfrifol am wirio’r hawliadau a gyflwynir gan leoliadau gofal plant yn ofalus i sicrhau eu bod yn gywir. Gan fod ein prosiect yn cael ei ariannu gan Lywodraeth Cymru, mae hon yn swyddogaeth hanfodol sy’n gwarantu cydymffurfiaeth a dyrannu arian grant yn briodol. Mae’r tîm yn gweithio’n agos gyda darparwyr gofal plant i ddatrys unrhyw broblemau a sicrhau bod pob hawliad yn cael ei brosesu’n gywir.
Arweinwyr y Tîm: Sam Watkin
Aelodau’r Tîm: Emily Challinor, Kyran Crowley, Kalan Hughes

Cwrdd â’r Tîm Diogelu​

Yn Sir Gaerfyrddin mae 2 Ymwelydd Iechyd Arbenigol ar gyfer Diogelu Plant. Maen nhw’n darparu cyngor a chefnogaeth ddyddiol i’r Gwasanaeth Ymwelwyr Iechyd yn bennaf. Pan fydd angen gallan nhw hefyd ddarparu hyfforddiant i dîm ehangach Dechrau’n Deg, sy’n cynnwys y ddarpariaeth feithrin.
Jane Morgan + Lynne Harley

Cwrdd â’r Tîm Ymwelwyr Iechyd

Mae’r tîm Ymwelwyr Iechyd yn nyrsys neu’n fydwragedd cymwysedig sydd wedi cael hyfforddiant arbennig ym maes iechyd cyhoeddus. Maen nhw’n canolbwyntio ar hyrwyddo iechyd ac atal salwch ar gyfer teuluoedd sydd â phlant cyn-ysgol, o feichiogrwydd i 5 oed. Maen nhw’n darparu gwasanaeth cyffredinol sy’n cynnwys isafswm nifer o ymweliadau cartref a chlinigol, gwiriadau datblygiadol, ac asesiadau i leihau anghydraddoldebau iechyd.
Yn Sir Gaerfyrddin, mae Ymwelwyr Iechyd yn gweithio gyda llwythi achosion penodol, naill ai wedi’u dyrannu yn ôl lleoliad (Dechrau’n Deg) neu wedi’u cysylltu â meddygfeydd meddygon teulu. Maen nhw’n cydweithio’n agos â gweithwyr proffesiynol eraill, gan gynnwys meddygon teulu, pediatregwyr, gwasanaethau cymdeithasol, a therapyddion, i sicrhau bod teuluoedd yn derbyn gofal cynhwysfawr.
Mae yna 5 Arweinydd Tîm Ymwelwyr Iechyd sy’n rheoli’r Timau Ymwelwyr Iechyd yn Sir Gaerfyrddin. (Meg Davies, Bethan John, Philippa Jones, Karen Thomas a Sandra Morris.)

Cwrdd â’r Tîm Rhianta

Mae’r tîm Rhianta yma ar gyfer popeth sy’n ymwneud â rhianta a datblygiad plant; rydyn ni’n rhedeg llawer o grwpiau ar gyfer rhieni/gofalwyr a rhai yn benodol ar gyfer tadau. Mae gennym ein tîm gofal plant symudol ein hunain fel y gall y plant chwarae a dysgu tra byddwch yn y grŵp yn cael paned a sgwrs, boed hynny’n dysgu am ddatblygiad yr ymennydd a beth i’w ddisgwyl, i sut i ymdopi â heriau a gofalu amdanoch chi eich hun fel rhiant. Nid yw plant yn dod gyda llawlyfrau ond ni yw’r peth gorau nesaf! Mae ein grwpiau a’n gwybodaeth am grwpiau i’w gweld ar yr Ap Dechrau’n Deg neu ar wefan y Gwasanaeth Gwybodaeth i Deuluoedd.
Donna Rowley – Cydgysylltydd Rhianta (Dechrau’n Deg a Theuluoedd yn Gyntaf)
Amy Alfei – Uwch-hwylusydd Rhianta Dechrau’n Deg
Hwyluswyr Rhianta Dechrau’n Deg – Lisa Bennett, Natalie Jones a Rhunedd Morgan
Hwyluswyr Rhianta (gwrywaidd) – Gwaith tadau – Jack Rees (Dechrau’n Deg) a (i’w gadarnhau) (Grant Plant a Chymunedau)
Tîm Gofal Plant Symudol – Catrin Williams, Emma Hughes a Joanne Morris

Cwrdd â’r Tîm Iaith a Lleferydd​

Mae ein Tîm Iaith a Lleferydd ymrwymedig yn gweithio i gefnogi sgiliau cyfathrebu plant yn Sir Gaerfyrddin. Maen nhw’n darparu cymorth wedi’i deilwra i deuluoedd a gweithwyr proffesiynol drwy ystod o wasanaethau sydd wedi’u cynllunio i helpu pob plentyn i ddod o hyd i’w lais.
Mae’r tîm yn cynnig amrywiaeth o wasanaethau, gan gynnwys:
Cyrsiau Rhiant/Plentyn: Darparu cyrsiau i rymuso rhieni gyda’r wybodaeth a’r sgiliau sydd eu hangen i gefnogi datblygiad iaith a lleferydd eu plant gartref.
Ymyrraeth a Dargedir:  Cyflwyno ymyriadau un-i-un neu grŵp ar gyfer plant sydd angen cymorth penodol.
Hyfforddiant Proffesiynol: Cynnig hyfforddiant i leoliadau Dechrau’n Deg i feithrin hyfer a sgiliau ymarferwyr. Mae hyn yn cynnwys y rhaglen Talking Stars, sy’n helpu staff i greu amgylcheddau sy’n hyrwyddo datblygiad iaith a lleferydd plant.
Mae’r tîm yn gweithio ar y cyd â rhieni a lleoliadau, gan ganolbwyntio ar atal ac ymyrraeth gynnar i sicrhau bod plant yn cael y dechrau gorau posibl.