Iechyd y Geg
Pydredd dannedd yw’r afiechyd y geg mwyaf cyffredin sy’n effeithio ar blant yn y DU.
Pam mae iechyd y geg yn bwysig.
Gall pydredd dannedd effeithio ar y gallu i gysgu, i fwyta, i gymdeithasu ac i siarad hyd yn oed. Yn ffodus, drwy sicrhau gofal y geg da, mae modd atal pydredd dannedd bron bob amser.
Sut i hybu iechyd y geg da.
Mae dannedd plant ifanc yn agored i bydredd pan fyddan nhw’n bwyta gormod o fwydydd a diodydd sy’n llawn siwgr. Bydd osgoi bwydydd sy’n llawn siwgr a brwsio dannedd yn gyson â phast dannedd fflŵorid, yn helpu i atal pydredd dannedd. Dylid dechrau brwsio dannedd cyn gynted ag y mae’r dant cyntaf yn ymddangos a dylid parhau i wneud hynny drwy gydol bywyd. Mae Ymwelwyr Iechyd Dechrau’n Deg yn gweithio gyda rhaglen gwella iechyd y geg a ariennir gan Lywodraeth Cymru o’r enw ‘Cynllun Gwên‘ i hyrwyddo iechyd y geg da.
