Gweithwyr Uniongyrchol TAF
Mae Gweithwyr Uniongyrchol Tîm o Amgylch y Teulu (TAF) yn gweithio gyda’r Tîm TAF Canolog. Bydd y Gweithwyr yn darparu cymorth uniongyrchol i staff ysgolion a’r teuluoedd sydd â phlant rhwng 3 ac 11 oed.
Bydd Gweithwyr Uniongyrchol TAF yn gwneud y canlynol:
Gweithio gydag ysgolion:
- Helpu staff ysgolion drwy ddarparu cyngor a chymorth cynnar i deuluoedd mewn perthynas â’u hanghenion e.e. ymddygiad, rhianta, profedigaeth, chwarae cadarnhaol, presenoldeb.
- Rhaglenni rhianta grŵp yn yr ysgolion megis Ymdrin ag Ymddygiad Plant a’r Rhaglen Feithrin Cysylltiadau Teuluol.
Cefnogi rhieni ar sail un i un ac mewn grwpiau er mwyn:
- gosod a chynnal ffiniau priodol a bod yn enghraifft gadarnhaol dda;
- datrys achosion o wrthdaro o ran eu perthynas a mynd i’r afael â rhwystrau sy’n atal teuluoedd rhag gweithredu’n effeithiol;
- lleihau straen a gwella eu gallu ymdopi.
